Óháður ráðgjafi um gervigreind
Ég heiti Ragnar Þ. Ágústsson og er gervigreindarstjóri til leigu (fractional CAIO). Ég hjálpa stjórnendum að ákveða hvar gervigreind borgar sig, setja reglur um notkunina og smíða það sem á að smíða. Þið eigið allt sem verður til og árangurinn er mældur í krónum. Ég sel engan hugbúnað og engin leyfi.
Hvar standið þið? Sjálfsmatið er átta spurningar og þið fáið svar strax. Fyrsti fundur er ein klukkustund og kostar ekkert.
Hagstofa Íslands, mars 2026. Svör frá 848 fyrirtækjum.
Staðan
Copilot eða ChatGPT er komið inn og fólk notar það í stök verk. Enginn veit hverju það skilar.
Ein eða tvær prufur fóru vel af stað og fjöruðu svo út. Ekkert breyttist í rekstrinum.
Stjórnin spyr hvað gervigreindin geri fyrir félagið. Svarið þarf að vera í krónum.
Nálgun
Ég vinn inni í fyrirtækinu með ykkar fólki.
Við byrjum á samtali um hvað tekur tíma í rekstrinum, hvað kostar peninga og hvað þið viljið að gervigreind geri fyrir ykkur. Þið þurfið ekki að vita svarið fyrirfram.
Gervigreind ofan á gamalt ferli gerir gamla ferlið hraðara, en með sömu flöskuhálsum og sömu óþörfu skrefum. Því byrjar greiningin á einni spurningu um hvert verk. Ef við værum að byggja þetta í dag, myndum við byggja það svona? Síðan fer ég í gegnum kerfin, gögnin og verkin með ykkar fólki og segi hreint út hvar gervigreind borgar sig og hvað á að láta vera. Niðurstaðan er minnisblað sem forstjóri getur lagt fyrir stjórn.
Stundum er verkið stefna og notkunarreglur, stundum smíði. Smíðin getur verið tiltekt í gögnum, tenging milli kerfanna ykkar og gervigreindartólanna sem fólkið notar þegar, mælaborð eða erindreki (agent). Erindreki er forrit sem vinnur afmörkuð verk á ykkar gögnum eftir reglum sem þið setjið, til dæmis greiningu á tekjum og kostnaði eða á samskiptum við viðskiptavini. Ég hef rekið hefðbundin tölvukerfi í aldarfjórðung og veit hvernig er hægt að nálgast gögnin í þeim. Ég sé um samskiptin við birgja og rekstraraðila kerfa ykkar ef þess er óskað.
Í vinnustofum lærir ykkar fólk að nota, reka og byggja ofan á það sem við gerum. Lausnina er auðvelt að laga þegar þarfirnar breytast eða betri tækni kemur fram. Daginn sem samstarfinu lýkur hættir ekkert að virka.
Fyrsta skref
Við byrjum á samtali og ég sníð samstarfið að stærð ykkar og þörfum. Nánara efni, fyrirkomulag og verð fylgja eftir fyrsta fund.
Þið segið frá rekstrinum og því sem þið viljið að gervigreind leysi. Ég hlusta, spyr og segi hvað ég held að borgi sig að byrja á. Gott er að taka sjálfsmatið fyrir fundinn.
Mörg fyrirtæki nota gervigreind án reglna. Með stjórnendum ákveðum við hvaða tól má nota, með hvaða gögnum og hver ber ábyrgð. Þið fáið notkunarreglur á einni blaðsíðu, stutta fræðslu fyrir starfsfólk og lista yfir þau verk sem borgar sig að skoða fyrst. Afurðin er ákvarðanir sem fólk fer eftir.
Hvar gervigreind borgar sig hjá ykkur og hvað á að láta vera. Endurhugsað ferli fyrir hvert verk, kort af kerfum og gögnum, mælikvarði og grunnlína á hverju verki og skýr tillaga um næsta skref. Hún getur verið stefna, reglur, smíði eða ekkert. Umfangið fer eftir stærð fyrirtækisins.
Gervigreindarstjóri til leigu (fractional CAIO) sem leiðir, smíðar eða hvort tveggja. Verkið nær yfir forgangsröðun, notkunarreglur, reglurnar sem fylgja hverri lausn, rýni á tilboðum seljenda og á því sem ykkar fólk eða aðrir smíða og skýrslur til stjórnar. Þegar það á við smíða ég líka með ykkar fólki. Takturinn og lengdin ráðast af stærð ykkar og þörfum, frá afmörkuðu verkefni hjá litlu fyrirtæki til fasts takts með stjórnendum hjá stóru. Allt skrifað í verksamning með skýrum lokadegi.
Líkön og ský eru alltaf á ykkar eigin reikningum, á kostnaðarverði og án álagningar.
Traust og öryggi
Kóðinn, lyklarnir og öll umhverfi eru ykkar frá fyrsta degi. Þið eruð hvorki bundin mér né neinum tækniseljanda.
Lausnin fær aðeins lesaðgang í upphafi og hver aðgerð er skráð. Hverja lausn má stöðva strax án þess að hringja í mig.
Ég bar ábyrgð á upplýsingatækni og upplýsingaöryggi í fjármálafyrirtækjum undir eftirliti. Öryggið hjá ykkur tekur mið af því sem er í húfi.
Í krónum þar sem það er hægt og tölurnar eru bornar saman við bókhaldið. Þar sem það er ekki hægt notum við mælikvarða sem þið treystið.
Enginn seljandi borgar mér. Ég tek hvorki söluþóknanir né tilvísunargjöld og hver tillaga nefnir valkostina sem voru skoðaðir.
Frumkvöðull
Það sem ég ráðlegg öðrum hef ég fyrst smíðað og rekið sjálfur.
Opið bókunarnet fyrir íslenska ferðaþjónustu. Ferðamenn tala við Sóleyju í Claude, ChatGPT, WhatsApp eða á vefnum. Sóley talar beint við bókunarkerfi ferðaþjónustuaðila og hótela.
Um mig
Ég hef smíðað og rekið kerfi í aldarfjórðung, mest í fjármálaþjónustu þar sem villur kosta peninga og kröfur eftirlitsaðila eru strangar. Ég var ellefu ár í London, stýrði hugbúnaðarþróun Landsbankans og var forstöðumaður upplýsingatækni hjá Fossum í gegnum samruna.
Í júlí 2026 fór ég að smíða mín eigin fyrirtæki og hjálpa öðrum að koma gervigreind í rekstur.
Óháður ráðgjafi um gervigreind og gervigreindarstjóri til leigu (fractional CAIO). Stofnandi Sóleyjar.
Forstöðumaður upplýsingatækni.
Yfirmaður hugbúnaðarþróunar, síðar teymisstjóri í Mörkuðum og fjármálum.
Stýrði upplýsingatækni sjóðasjóða (Funds of Funds) hjá Man. Síðar smíði viðskiptakerfis (trading platform) hjá vogunarsjóðnum GLG.
Smíðaði kerfi fyrir áhættuvarnarbókhald (hedge accounting) hjá HSBC sem er enn í notkun. Síðar yfirmaður hugbúnaðarþróunar í Lundúnaútibúi Landsbankans.
Stofnandi.
Executive MBA við Háskóla Íslands, útskrift 2027. BSc í tölvunarfræði frá Háskólanum í Reykjavík.
Hafa samband
Segið mér frá rekstrinum og hverju þið viljið breyta. Ég svara með tillögu að fyrsta fundi.